جب سے میں نے اردو پڑھانے کے کورسس ترتیب دینے کے لیے مواد اکٹھا کرنا شروع کیا ہے تب سے یہ جان کر خوشی اور حیرت کی ملی جلی کیفیت طاری ہے کہ جس زبان کو ہم یونہی روانی سے بولتے ہیں اس کے بھی گرامر کے تقریباً وہی قواعد ہیں جو انگریزی یا عربی وغیرہ زبانوں کے ہوتے ہيں، بلکہ عربی زبان میں جو گرامر کے قواعد کے لیے مصطلحات استعمال ہوتی ہیں اردو میں بھی وہی استعمال ہوتی ہیں جیسے اسم، فعل، حرف، فاعل و مفعول وغیرہ۔
عربی یا انگریزی کی طرح اردو میں بھی اسم معرفہ Definite Noun اور اسم نکرہ Indefinite Noun پائے جاتے ہيں۔ البتہ عربی یا انگریزی کی طرح اسم کے حرف پر کوئی نشانی ظاہر نہیں ہوتی جیسے انگریزی میں a اور the ہوتے ہیں، اور عربی میں نکرہ کے لیے تنوین بيتٌ اور معرفہ کے لیے “ال” لگتا ہے البیتُ۔
اردو میں اس کے معرفہ ہونے کی پہچان اس کے سیاق سباق سے ہوتی ہے جیسے معرفہ کی اقسام میں سے
اسم اشارہ : یہ ، وہ
اسم موصول: جو کہ، جس میں، جسے
اسم ضمیر: وہ، اس۔۔۔ وغیرہ
البتہ اسم عَلَم جیسے کسی کا نام ولقب وغیرہ تو ظاہر الفاظ میں پہچان لیے جاتے ہيں: محمد، قائد اعظم، کراچی۔
لیکن جو الفاظ معرفہ اور نکرہ دونوں طور پر استعمال ہوتے ہیں سادہ ترین جملے میں اس کے آگے “ایک” لگا دیا جاتا ہے جیسے:
This/that is a house
یہ/وہ ایک گھر ہے۔
یعنی کوئی بھی ایک گھر۔
اردو بول چال اور دیگر قواعد سیکھنے کے لیے ہمارےاردو زبان کا کورس میں شرکت کیجیے۔
